Zelenski Ukraynaya gələn 16 min könüllünü qarşılayıb – VİDEO
Zelenski Ukrayanaya ilk gələn xarici könüllüləri qarşılayıb. Onların sayı 16 000 nəfərdir.
1news.az-ın verdiyi xəbərə görə, bu barədə Ukrayna Prezidenti Volodimir Zelenski xalqa müraciətində deyib:
“Dəfələrlə bizi məhv etmək istədilər. Amma bacarmadılar. Biz çox şey yaşadıq. Əgər kimsə düşünür ki, bütün bunlardan sonra ukraynalılar qorxacaq, bizə qalib gələcəklər, onlar ukraynalılar haqqında heç nə bilmir. Müdafiəmizin bütün xətlərinin təhlükəsizliyi təmin olunub. Ruslar narahat olub. Odessa şəhərini məhv etmək istəyirlər. Lakin Qara dənizin ancaq dibini görəcəklər”, - dövlət başçısı bildirib.
Onun sözlərinə görə, xaricdən 16 mindən çox əsgər döyüşmək üçün könüllü olaraq Ukraynaya gəlib:
“Rusiyanın taktikasını dəyişdirmişik. Qarşı tərəf şəhərlərimizə ancaq raket atır. Bu, şəhərlərimizə heç nə edə bilmədiklərinin göstəricisidir”.
Zelenski sonda üzünü Rus ordusuna tutub:
“Evinizə dönün. Rusdilli insanları qoruyun. Dünyanın dörd bir yanında yox, öz ölkənizdə. Onların sayı da az deyil, təxminən 150 milyon”.
Mövzu ilə əlaqədar oxuyun:
Rasim Musabəyov: Ukraynanı dərhal Avropa İttifaqına qəbul edin! - VİDEO
Azərbaycan və Ukrayna Prezidentləri telefonla danışıb - FOTO
Zelenski: Bir həftədə Rusiya ordusunun 9 min hərbçisi öldürülüb
Ukraynada müharibənin yeddinci günü - FOTOREPORTAJ
Zelenski: Ordu ilə birlikdə Ukraynanı müdafiə edəcəyik - VİDEO
