Hafiz Paşayev: “Ölkəmizin yeni hekayələrini müasir dünyaya çatdıracaq kommunikasiya mütəxəssislərinə ehtiyacımız var” | 1news.az | Xəbərlər
Müsahibə

Hafiz Paşayev: “Ölkəmizin yeni hekayələrini müasir dünyaya çatdıracaq kommunikasiya mütəxəssislərinə ehtiyacımız var”

15:53 - 21 / 07 / 2022
Hafiz Paşayev: “Ölkəmizin yeni hekayələrini müasir dünyaya çatdıracaq kommunikasiya mütəxəssislərinə ehtiyacımız var”

ADA Universitetinin Rektoru, səfir Hafiz Paşayev Milli Mətbuat Günü ərəfəsində geniş müsahibə verib.

Rektor müsahibəsində müasir jurnalistika qarşısında duran çağırışlar, ADA-da “Kommunikasiya v Rəqəmsal Media” ixtisası üzrə təhsil alan tələbələrdən gözləntiləri və digər məsələlərə toxunub.

Həmin müsahibəni təqdim edirik.

- Hafiz müəllim, ADA Universiteti ilk dəfə olaraq Milli Mətbuat Gününü özünün “Kommunikasiya v Rəqəmsal Media” ixtisası ilə qeyd edir. Yeni ixtisası açmaqla Siz, bu sahəyə hansı dəyişiklikləri gətirmək istəyirdiniz?

- Doğru qeyd edirsiniz. Bizim ötən tədris ilində başladığımız Kommunikasiya və Rəqəmsal Media ixtisası üzrə ilk tələbələrimiz təhsil ilini bitirib ikinci kursa keçirlər. İlk qrupumuz 40 yerli və dörd əcnəbi tələbədən ibarət idi. Bu il, ixtisasa qəbul davam edir. Xüsusilə, xaricdən müraciətlər ADA-dakı kommunikasiya ixtisasına marağın artıdığını göstərir. Mənə elə gəlir ki, bu sahəyə maraq həm də Azərbaycanın özünün beynəlxalq səhnədə dəyişən rolu ilə bağlıdır. Kommunikasiya və media ilə maraqlananlar ən başlıcası maraqlı məzmun axtarışındadılar. Bu gün Azərbaycanın dünyaya təqdim edə biləcəyi məzmun surətlə zənginləşir və şaxələnir. Universitetimizdə artıq ənənə halını alan “Cənubi Qafqaz: İnkişaf və əməkdaşlıq” mövzusunda illik beynəlxalq forumda çıxışında Prezident İlham Əliyevin qeyd etdiyi kimi, Azərbaycan Qafqazda yeni eranı-sülh və əməkdaşlıq erasını fəal şəkildə təşviq edir. Ölkəmizin bu yeni hekayələrini müasir dünyaya anlaşılan dildə çatdıracaq yeni kommunikasiya mütəxəssislərinə ehtiyacımız var.

- Yeni dövrün jurnalistlərini necə görürsünüz?

- Son illərin rəqəmsal texnologiyalar inqilabı jurnalistlər üçün geniş imkanlar açdı. Onların, araşdırma, ictimai vəkillik, maarifləndirmə missiyaları qlobal vüsat aldı. Lakin bu prosesdə onların rəqabəti də artdı. Sosial media hər bir istifadəçiyə öz həqiqətini deməyə, rəyini bölüşməyə imkan yaratdı. Beləliklə, media mühitində subyektivlik artdı. Mən, medianı izləyərkən, hətta jurnalistlərin özünün də bu subyektivliyə məruz qaldığının şahidi oluram. İnformasiya bolluğunda yaşasaq belə, obyektivliyi qorumaq, faktları yoxlamaq, qərəzsiz materiallar hazırlamaq cox vacibdir. Əks təqdirdə, ictimaiyyət mediadan lazımı fayda ala bilməz. Burada, həmçinin işıqlandırılacaq mövzuların seçimini də nəzərə almaq lazımdır. Mən, Azərbaycanın ABŞ-dakı səfiri olanda hər səhərimi “Vaşinqton Post”u vərəqləməklə başlayırdım. Çünki nəinki öz ölkəmdə, bütün dünyada baş verənlər barədə operativ və qərəzsiz məlumat almalı, bunu düzgün şəkildə təhlil edib qərarlar çıxarmalı idim. Bu günlərdə, media gündəmini nəzərdən keçirmək insanları aqqresivdən tutmuş depressivə qədər müxtəlif emosional hala salır. İşıqlandırılan mövzularda axtardığımız həll yollarını mühakimələr əvəzləyib. Halbuki, jurnalistlər məsələləri aydınlatmalı, səbələrini izah etməli, ictimaiyyətin gözləntilərinə cavab verməlidilər. Lakin onlayn media dövründə məlumat bolluğu çox vaxt materialların səthi və natamam hazırlanmasına gətirib çıxarır. Ümid edirəm, ADA-nın yetirmələri jurnalistikanın və medianın əsl missiyasına sadiq qalacaqlar.

-Bu sahəni yaxşı tədris etmək üçün ADA-da kifayət qədər potensial varmı?

- Hesab edirəm ki, biz, son 16 ildə tədrisdə öz sözümüzü demişik. ADA Universiteti təsis olunduğu gündən iş bazarını yaxından izləyərək Azərbaycanın ehtiyac duyduğu insan resursunu yetişdirməyə çalışır. Müəllimlər və jurnalistlər arasında oxşarlıqlar çoxdur. Onların hər ikisi auditoriyası ilə səmərəli şəkildə ünsiyyət qurmalı, bitərəf qalaraq auditoriyasını müzakirə olunan məsələlərdə maraqlandırmalı, mürəkkəb mövzuları anlaşılan dildə izah etməlidir. Araşdırılan məsələlərdə boşluq aşkar etdikdə, onu tədqiq etməli, çıxış yolu tapmalıdılar. Bütün bunları bacarmaq üçün isə, əvvəlcə auditoriyanı yaxşı başa düşməli, onların maraqlarını qorumalı və onlara xoş niyyətlə yanaşmalıdılar. Əlbəttə, hətta sinif otağında bütün tələbələr eyni olmur. Aralarında həvəssiz, şuluq, məsuliyyətsizləri də var. Amma müəllimin işi onların hamısını səbrlə maarifləndirmək, həyatda lazım olacaq bilik və bacarıqları öyrətməkdir. Medianın da işi ictimaiyyətin maraqlarından irəli gələrək onlara mütərəqqi istiqamətdə bələdçilik etməkdir. ADA Universitetinin müəllim potensialı hazırda on iki bakalavr və səkkiz magistr ixtisası üzrə yüksək səviyyədə təhsil verməyə imkan yaradır. Ali dərəcələrlə yanaşı, Universitetin İnkişaf və Diplomatiya İnstitutu müxtəlif sahələrdə ixtisasartırma proqramları həyata keçirir. Media sahəsi onlardan biridir. Ötən il prezident İlham Əliyevin ölkədə media sahəsində islahatlara dəstək məqsədi ilə yaratdığı MEDİA İnkişafı Agentliyi fəaliyyətini qurarkən ADA Universitetini ilk gündən akademik tərəfdaş kimi seçmişdir. Tədris mərkəzimizdə media, ictimaiyyətlə əlaqələr mövzusunda çoxasylı təlimlər və konfranslar baş verir. Düşünürəm ki, bu proses tədricən ölkədə media sahəsinə yeni sağlam meyillər gətirəcək.

- ADA tələbələriniin əksəriyyəti gənc nəslə aiddir. Bu nəsil haqqında nə düşünürsünüz və onlardan gözləntiləriniz nədir?

- Hamının gənc nəsildən gözlədiyi kimi, mən də, onları savadlı və gələcək həyata hazırlıqlı görmək istərdim. Məqsədlərində və bu məqsədlərə necə çatacaqlarında aydın olsunlar. İlk növbədə, bağlı olduqları torpağa, ailələrinə layiq olsunlar. Xüsusilə də, müstəqilliyimizin möhkəmlənməsi naminə daim çalışsınlar. Unutmasınlar ki, onlardan əvvəl gələn nəsillər bu müstəqilliyi əldə etmək üçün çoxsaylı qurbanlar veriblər. Və hətta onların aid olduğu nəsil topaqlarımızın azad edilməsində həlledici rol oyanyıb. Universitetimizdə elə təhsil alsınlar ki, həmyaşıdlarının həyatlarını qurban verərək qurduqları Azərbaycana dayaq olsunlar, daxilən zəngin həyat yaşasınlar və bu zənginliyi bütün cəmiyyətimizlə bölüşsünlər. Hərdən, mən zahirən dırnaqarası müasir görünmək istəyən gənclərimizə rast gəlirəm. Məsələn, dərilərində döymə vuran cavanlara. Əvvəlki nəsillərdə bu dəb həbsxanada olanlara məxsus idi. Onlar da, həbsaxanadan çıxandan sonra döydürdükləri yazıları silməyə tələsirdilər, çünki keçmişləri ilə assosiasiya olmaq istəmirdilər. İnsanın gözəlliyi onun təbiilindədir. Təbiətin bəxş etdiyi özlüyündə ən böyük hədiyyədir. Ona süni müdaxilələrin tərəfdarı deyiləm, çünki bizim ən böyük və cəlbedici sərvətimiz daxili dünyamızda toplanmalıdır. Yaşa dolduqca, bütün zahiri müdaxilələr solub gedəcək, daxili dünyanız isə günü-gündən zənginləşəcək.

- Müsahibə üçün təşəkkür edirəm, Hafiz müəllim.

Fidan Namazova,

ADA Universitetinin

Kommunikasiya və Rəqəmsal Media ixtisasının tələbəsi

Paylaş:
269

Sizin üçün xəbərlər

Son xəbərlər

Ötən həftə azad edilmiş ərazilərdə aşkarlanan minaların sayı açıqlanıbBu gün, 17:30Baş Prokurorluq xəbərdarlıq etdi: Saxta məlumatlar yaymayın!Bu gün, 17:12COVID-19 əleyhinə peyvənd olunanların sayı açıqlanıbBu gün, 16:38Azərbaycanda daha 121 nəfər COVID-19-a yoluxub, 1 nəfər vəfat edib - STATİSTİKABu gün, 16:31Ərdoğan: Beynəlxalq ictimaiyyət Qarabağda işğala qarşı heç bir addım atmadıBu gün, 16:14Sabahın hava proqnozu açıqlanıbBu gün, 15:56Sabah bağçalara işə qəbul üçün qeydiyyat başa çatacaqBu gün, 15:43XI Dünya Oyunlarında ən yüksək nəticələr göstərmiş idmançılar və məşqçiləri mükafatlandırılıbBu gün, 15:28“Bolt Services AZ” MMC-yə maliyyə sanksiyası tətbiq olunubBu gün, 14:56Yelo Bank artıq Qəbələdə - FOTOBu gün, 14:50“Nar” Azərbaycanda ilk üztanıma texnologiyalı eSIM xidmətini təqdim etdiBu gün, 14:40Qaradağda yolların yenidən qurulmasına 5,3 milyon manat ayrılıb - SƏRƏNCAMBu gün, 14:02XİN: Azərbaycan Gürcüstanın ərazi bütövlüyü və suverenliyini dəstəkləyirBu gün, 13:44MN: Sosial şəbəkədə özünü hərbi polis kimi təqdim edən vətəndaşın Orduya aidiyyəti yoxdurBu gün, 13:3961 bağça müdiri işdən çıxarılıb, biri ilə bağlı sənədlər hüquq-mühafizə orqanlarına göndərilibBu gün, 13:20Çavuşoğlu: “Dost da, düşmən də bilsin ki, can Azərbaycan tək deyil”Bu gün, 12:43Məhsul qiymətləri ilə bağlı “Veysəloğlu”dan aylıq AÇIQLAMABu gün, 12:30Allahşükür Paşazadə: Londonda səfirliyimizə hücum edənlərin cəzalandırılmasını tələb edirikBu gün, 12:26Bakı-Ələt yolundakı qəzada yaralanan beş nəfərdən xəbər varBu gün, 12:08DTX-nin həbs etdiyi “Broker Əbülfəz” kimdir?Bu gün, 12:05
Bütün xəbərlər

Next TV