“Bridge Group of Companies”in yeni layihəsi – “Şərq Bazarı”nda yerləşən türk mətbəxi restoranı “Bazar” – FOTO
“Bridge Group of Companies” yeni dadlı layihəsi olan – “Bazar” türk mətbəxi restoranını təqdim edib. Bu füsunkar məkan “Şərq Bazarı”nda yerləşir.
Yerli əhəmiyyətə malik tarixi və mədəniyyət abidələri siyahısına daxil edilmiş “Şərq bazarı” yaxın zamanlarda genişmiqyaslı yenidənqurmadan sonra yenidən qapılarını açaraq, ümumi sahəsi təxminən 9000 m² olan müasir ticarət mərkəzinə və bazara çevrilib.
Məlumdur ki, ta qədim zamanlardan Şərqdə bazarlar şəhərlərin mərkəzi olub. Bu gün də “Şərq bazarı” dedikdə ilk ağlımıza Şərq nağılları, al-əlvan məhsullar, ətirli ədviyyatlar, unudulmaz duyğular və ləzzətli yeməklər gəlir. Şərq qastronomiyasından danışdıqda, bu zaman çoxəsrlik tarixə və qədim ənənəyə malik, Azərbaycanda da olduqca məşhur olan və sevilən türk milli mətbəxi olmadan təsəvvür etmək çətindir.
Məhz bu səbəbdən “Bridge Group of Companies” “Şərq Bazarı”nda Şərq ab-havasını parlaq şəkildə tamamlayan və ləzzətlə vurğulayan türk və Şərq restoranı açmaq qərarına gəldi. Məkana qədəm qoyan hər bir qonaq elə ilk dəqiqədən özünü sanki təzadlar şəhəri İstanbulda hiss edəcək.
“Bridge Group of Companies” komandası “Şərq bazarı”nda yerləşən restorana “Bazar” adını verməklə həm buradakı əsrarəngiz Şərq elementlərini qoruyub saxlamaq, eyni zamanda yenidən qurulan “Şərq Bazarı”nın ümumi konsepsiyasını özündə ehtiva etmək qərarına gəlir.
Hər dəfə “Bazar”a gəlişiniz sizdə sanki Türkiyəyə əyləncəli qastronomik səyahət təəssüratı bağışlayacaq. Çünki burada sizi sözlərlə ifadə olunmaz ecazkar ab-hava, sevimli təamların və doyumlu yeməklərin ən maraqlı birləşməsi gözləyir.
Bütün “Bridge Group of Companies” məkanları – hazırlanmış yeməklərin əla keyfiyyəti və dadı, ideal şəkildə tərtib edilmiş içkilərin siyahısı və yüksəksəviyyəli xidmətilə seçilir. Gülərüz personal diqqətcilliyi və nəcibliyi ilə restorana hər gəlişinizi unudulmaz edəcək. Və siz bu möhtəşəm məkana getdikcə daha çox heyran qalacaqsınız. Bunun bir çox səbəbləri var. Elə isə, gəlin “Bazar” restoranını daha yaxından tanıyaq:
Məlum olduğu kimi, türk mətbəxi haqlı olaraq dünyanın ən zəngin, ən qədim və rəngarəng mətbəxlərindən biri hesab olunur. “Bazar”da yeməklərin hazırlanmasına görə cavabdeh olan Türkiyədən xüsusi olaraq dəvət olunmuş şef-aşpaz türk mətbəxinin ən ləzzətli nümunələrini restoran menyusuna daxil edib. Zəngin menyuda bütün klassik ənənəvi yeməklər qonaqların könlünü oxşayacaq. Belə ki, burada müxtəlif növ kabablar, məzələr, lahmacun və pidelər mis sobada hazırlanır. Həmçinin məşhur və inanılmaz dərəcədə dadlı püstəli katmer də daxil olmaqla, müxtəlif növ desertlərin dadı uzun müddət damağınızdan getməyəcək. Xüsusilə vurğulayırıq ki, menyuya daxil edilən bütün yeməklərin və qəlyanaltıların hazırlanması üçün yalnız təzə, təbii və keyfiyyətli məhsullardan istifadə olunur.
Ümumiyyətlə, “Bazar”da təqdim olunan milli türk mətbəxindən danışırıqsa, o zaman burada da hər şey Şərqlə Qərbin mükəmməl birləşməsi olan hamının sevimli İstanbulunda olduğu kimidir. Belə ki, məkandakı ən yaxşı inqrediyentləri, zəngin şirəli dadı və inanılmaz dərəcədə möhtəşəm və səxavətli yeməklərin hazırlanmasını, eləcə də təqdim edilməsi ənənələrini də vuğulamaq lazımdır.
“Bazar”ın şef-aşpazı qeyd edir ki, bayram günlərində məkanın qonaqlarını xüsusi yeməklər, həftə sonları isə, ənənəvi doyurucu türk səhər yeməyi gözləyir. Buranın kahvaltısı inanılmaz dərəcədə dadlı və sağlamdır. Tamamilə əmin ola bilərsiniz ki, məkanda təqdim edilən səhər yeməyi sizi Türkiyə şəhərlərinə “apararaq”, oranın qastronomik dünyasına qərq edəcək, ən əsası isə, sizə gün boyu bol enerji və canlılıq bəxş edəcək.
Məkanın qiymətlərinə gəlincə, onları məqbul hesab etmək olar. Belə ki, buradakı qiymətlər olduqca münasibdir. Qısacası, əgər restorana gedərək, keyfiyyətli təzə inqrediyentlərlə hazırlanmış ləzzətli türk yeməklərini dadmaq, əylənmək, eyni zamanda yüksək miqdarda pul xərcləmək istəmirsinizsə, o zaman “Bazar” tam sizə görədir. Xüsusilə vurğulayırıq ki, restoranda qiymətlərin sərfəli olması xidmətə və təklif olunan yeməklərin yüksək keyfiyyətinə təsir göstərmir.
“Bazar” inanılmaz dərəcədə qonaqpərvərlik ab-havası ilə də doludur – nəhəng günbəzlər burada keçirdiyiniz zamanı dadlı etməklə yanaşı, uzun müddət xatirinizdə iz buraxacaq!
Əlbəttə ki, könül oxşayan musiqi sədaları “Bazar”ın olmazsa olmazıdır. Məkanın düzgün şəkildə musiqi tərtibatı, eləcə də həftə sonları sənətçilərin canlı ifası restoran qonaqlarını İstanbul atmosferinə daha da qərq edəcək.
Əlaqə nömrələri: +994512290660, +994512290666
Instagram – https://www.instagram.com/bazar_turkish_cuisine/
Facebook – https://www.facebook.com/Bazar-Turkish-Cuisine-105071095614449
Reklam hüququnda
