ABŞ Dövlət Departamenti David Babayanın səfərinə münasibət bildirib

ABŞ Dövlət Departamenti özünü separatçı "Dağlıq Qarabağın xarici işlər naziri" kimi təqdim edən David Babayanın Vaşinqtona səfərinə münasibət bildirib.

1news.az xəbər verir ki, ABŞ Dövlət Departamentinin sözçüsü APA-nın sorğusuna cavab olaraq qeyd edib ki, Dövlət Departamentinin Babayanın səfəri ilə heç bir əlaqəsi yoxdur: "Birləşmiş Ştatlar özünü elan etmiş (tanınmamış) “Artsax respublikasını” tanımır. Dövlət Departamenti bu səfərin bir hissəsi deyil".

Babayanın hansı statusda ABŞ səfəri ilə bağlı Dövlət Departamentinin sözçüsü bildirib ki, viza məsələləri ABŞ qanunlarına əsasən məxfidir.

"Ona görə də biz ayrı-ayrı hallara münasibət bildirə bilmərik. Birləşmiş Ştatlara səfər etmək üçün viza müraciətləri İmmiqrasiya və Vətəndaşlıq Aktı (INA) və müvafiq qaydalar daxil olmaqla, bütün qüvvədə olan qanunlara uyğun olaraq həll edilir", - Dövlət Departamentinin sözçüsü qeyd edib.

Xatırladaq ki, ABŞ-dakı erməni diasporası David Babayanın sentyabrın 19-da Vaşinqtonda görüşlər keçirəcəyi barədə məlumat yayıb.

1news.az