“Əl Cəzirə” telekanalında azərbaycanlı deputat erməni həmkarını susdurdu - VİDEO

1news.az xəbər verir ki, yayıma qatılan Milli Məclisin deputatı Nigar Arpadarai mövcud siyasi vəziyyət barədə sualları cavablandıraraq, Azərbaycan və Ermənistan arasında imzalanmış üçtərəfli bəyənatın müddəalarına tam əməl edilmədiyini, Ermənistan tərəfinin artıq iki ildir ki, sülh sazişinin imzalanmasından yayınmasını təkrar diqqətə çatdırıb:

“Ermənistan Azərbaycanın beynəlxalq müstəvidə tanınan sərhədlərini və onun ərazi bütövlüyünü qəbul etmək istəmir. Artıq iki ildir ki, bu istiqamətdə danışıqlar aparılır, regionda sülhün bərqərar olması və sazişin imzalanması üçün Azərbaycan tərəfi bir tərəfli qaydada təşəbbüslərlə çıxış edir. Ermənistan hələ də fərqli bəhanələrlə prosesdən yayınır və bu azmış kimi bəyanatın şərtlərinə zidd olaraq, qanunsuz silahlı qüvvələrini Azərbaycan sərhədlərindən təmizləmir. Hesab edirəm ki, hər iki tərəf sabitliyin və ərazi bütövlüyünün qorunması üçün regionda qaranta çevrilməlidir. Bizim istəyimiz yalnız bundan ibarətdir. ”, - deyə N. Arpadarai bildirib.

Veriliş zamanı ermənistanlı deputat azərbaycanlı millət vəkilinin fikirlərinə cavabsız qalıb.