Ermənilər ABŞ-dakı Səfirliyimiz qarşısında aksiyaya cəhd etdi - FOTOLAR

Azərbaycanın ABŞ-dakı Səfirliyinin qarşısında ötən gün ermənilər tərəfindən aksiya keçirilib.

1news.az xəbər verir ki, aksiya iştirakçılarının planları baş tutmayıb və onlar səfirliyin qarşısında Azərbaycanın dövlət himni, hərbi marşlar, erməni işğalı və vəhşiliyini nümayiş etdirən, habelə “Qarabağ Azərbaycandır!” şüarları əks olunmuş plakatlarla qarşılaşıblar.

Səfirlik tərəfindən quraşdırılmış həyəcan siqnalı ermənilərin planlarını pozub. Belə ki, onların səsləndirdikləri şüarları özləri belə eştiməkdə çətinlik çəkiblər. Bir müddət sonra aksiyaçılar plakatlarını qoyaraq ərazidən uzaqlaşmaq məcburiyyətində qalıblar.