Rəhman Hacıyev: Azərbaycan Qarabağdakı bərpa işlərini kömək olmadan həyata keçirir
"Azad olunan ərazilərdə ən çox mədəniyyət abidələri məhv edilib".
1news.az xəbər verir ki, xəbər verir ki, bunu Qarabağ Dirçəliş Fondunun İdarə Heyətinin sədri Rəhman Hacıyev "Azərbaycanda mədəniyyət iqtisadiyyatı: Şuşadan inkişaf impulsları" adlı beynəlxalq elmi-praktik konfransda çıxışı zamanı deyib.
"Bununla da DNT-ni silməyə çalışıblar. Bildiyiniz kimi, Avropada müharibədən sonra sürətli bərpanın səbəbi məşhur siyasətçiləri, biznesmenləri dəvət edərək dağıntıların göstərilməsi olub. Bununla da büdcədən kənar investisiya cəlb edilməklə şəhərlər bərpa olunub. Mədəniyyətin böyük potensialı var. Bəzən onu anlaya bilmirik. Ənənəvi istiqamətlərdən kənara çıxa bilmirik. Mədəniyyət hazırda rəqabətə girir. Bu, yutub üzərindən paylaşmaqdan getmir. Sürətli olmaq lazımdır. Hətta gecikmişik. Dünəndən başlamalıydıq".
O qeyd edib ki, Azərbaycan Qarabağdakı bərpa işlərini kömək olmadan həyata keçirir: "Düşmən sənin tarixini, mədəniyyətini tamamilə silmək istəyir. Bu baxımdan şəhəri, onun mədəniyyətini məhv edir, tarixiliyinə zərbə vurur. Dünyada buna nümunələr var. Amma nəzərə alsaq ki, İkinci Dünya müharibəsindən sonra Avropadakı urbisidin aradan qaldırılmasına müəyyən yardım var idi. Amma Azərbaycan bu gün Qarabağdakı dağıntıları, oradakı urbisidi özü bərpa edir, özü aradan qaldırır".
