Ölən ermənilərin yaxınları saxlanıldı - VİDEO
Ermənistanda ölən hərbçilərin yaxınları gecədən “Yerablur” hərbi panteonuna toplaşıb.
1news.az “Sputnik Ermənistan”a istinadən xəbər verir ki, onların məqsədi ölkənin Baş naziri Nikol Paşinyanın panteona girişinə əngəl olmaq olub.
Buna baxmayaraq, səhər saatlarından həmin əraziyə çox sayda polis əməkdaşı cəlb olunub.
Polis hərbçilərin yaxınlarına qarşı zor tətbiq edərək onları ərazidən uzaqlaşdırmağa çalışıb.
Məlumata görə, 37 nəfər saxlanılıb və polis bölmələrinə aparılıb.
Saxlanılanlar arasında qadınlar da var və onlardan ikisinin yaralandığı bildirilir.
Müharibədə övladını itirən valideyn yerli KİV-ə açıqlamasında Paşinyanı murdar adlandırıb:
“Bir daha bura gəlmə. Min dəfə demişik. Nə istəyirsən? Bu dörd kvadrat bizim mülkümüzdür, bizim mülkümüzə girməyinizi istəmirik, başqa necə deyək, başqa necə izah edək. Sənin gəlişinlə müqəddəs yerimiz murdarlanıb. Uşağı əlinlə öldürdün, indi gəlib aktyorluq edirsən. Oğullarımızın məzarları təmiz qalmalıdır”.
