Zəngilan hava limanında Rəcəb Tayyib Ərdoğanın rəsmi qarşılanma mərasimi olub - VİDEO
Türkiyə Respublikasının Prezidenti Rəcəb Tayyib Ərdoğan oktyabrın 20-də Azərbaycan Respublikasına rəsmi səfərə gəlib.
1news.az xəbər verir ki, hər iki ölkənin Dövlət bayraqlarının dalğalandığı Zəngilan Beynəlxalq Hava Limanında ali qonağın şərəfinə fəxri qarovul dəstəsi düzülmüşdü.
Türkiyə Prezidenti Rəcəb Tayyib Ərdoğanı hava limanında Azərbaycan Respublikasının Prezidenti İlham Əliyev qarşıladı.
***
Saat 12:47
Türkiyə Prezidenti Rəcəb Tayyib Ərdoğanın təyyarəsi Zəngilan Beynəlxalq Hava Limanına eniş edib.
1news.az bu barədə Azərbaycan Televiziyasına istinadən xəbər verir.
Xəbər yenilənəcək....
Saat 11:40
Türkiyə Prezidenti Rəcəb Tayyib Ərdoğan Azərbaycana səfərə yola düşüb.
1news.az Türkiyə KİV-lərinə istinadən xəbər verir ki, Türkiyə Prezidentinin təyyarəsi Esenboğa hava limanından yola düşüb.
Səfər zamanı keçiriləcək ikitərəfli görüşlərdə Türkiyə ilə Azərbaycan arasında münasibətlərə bütün aspektlərdə yenidən baxılacağı, əməkdaşlığın daha da inkişaf etdirilməsi istiqamətində atılacaq addımların müzakirə olunacağı gözlənilir.
Həmçinin aktual regional və qlobal problemlər, ikitərəfli münasibətlər ətrafında fikir mübadiləsinin aparılması nəzərdə tutulur.
Həmçinin oxuyun: Zəngilan Beynəlxalq Hava Limanının açılış mərasimi olub
