Nazir: Azərbaycanın kifayət qədər qaz ehtiyatları var

“2021-ci ildən 2024-cü ilə qədər Azərbaycan qaz ixracatını 57% artıraraq mühüm nailiyyət əldə edib” .

1news.az xəbər verir ki, bunu Bakıda keçirilən Cənub Qaz Dəhlizi Məşvərət Şurası nazirlərinin 11-ci iclası və Yaşıl Enerji Məşvərət Şurası nazirlərinin 3-cü iclasının nəticələrinə həsr olunmuş mətbuat konfransı zamanı energetika naziri Pərviz Şahbazov bildirib.

Nazir deyib ki, bu gələcəkdə Avropa İttifaqı ilə uzunmüdətli kontraktlar və investisiya qoyuluşları üçün vacibdir.

“Azərbaycanın kifayət qədər qaz ehtiyatları var. Qaz təchizatı prosesinin sabit və effektiv işləməsi üçün Avropa İttifaqının qarantiya mexanizmlərinə ehtiyac duyulur” .