İranda 4,6 bal gücündə zəlzələ baş verdi

İranda Tehran və Mazandaran əyalətlərinin sərhədində 4,6 bal gücündə zəlzələ qeydə alınıb.

1news.az xarici mətbuata istinadən xəbər verir ki, İran dövlət televiziyasının məlumatına görə, yeraltı təkanlar Tehranla Mazandaran əyaləti arasındakı Pərdis bölgəsində hiss olunub.

Tehran Universitetinin Seysmologiya Mərkəzi zəlzələnin 10 kilometr dərinlikdə meydana gəldiyini açıqlayıb.