1news.az

Adnan Oktara 1000 ildən artıq həbs verildi

11 Yanvar saat 15:30 ~ 1 dəqiqəlik oxu 1280
Adnan Oktara 1000 ildən artıq həbs verildi

Bir sıra cinayətlərdə ittiham edilərək saxlanılan “A9” televiziya kanalının sahibi, təriqət lideri, "Harun Yəhya" ləqəbli Adnan Oktarın bu gün növbəti məhkəmə prosesi baş tutub.

1news.az xəbər verir ki, İstanbul 30-cu Ağır Cəza Məhkəməsində Adnan Oktar da daxil olmaqla 236 şübhəli iştirak edib.

Məhkəmə heyəti yekun olaraq qərarını açıqlayıb. Adnan Oktar 1075 il 3 ay müddətinə həbs cəzasına məhkum edilib.

Xatırladaq ki, 2018-ci il 11 iyulda səhər saatlarında İstanbul daxil olmaqla, eyni anda 4  ünvanda keçirilən xüsusi əməliyyatla Adnan Oktarla yanaşı 235 müridi də saxlanılmışdı.

Əməliyyatdan bir neçə gün sonra isə Adnan Oktarın İstanbulun Çəngəlköy səmtindəki 30 hektar ərazini əhatə edən 100 otaqlı villasından külli miqdarda pul, müxtəlif silahlar və digər əşyalar maddi sübut kimi polislər tərəfində müsadirə edilib.

Qeyd edək ki, cinsi istismar, siyasi və hərbi casusluq, işgəncə vermək, böhtan atmaq, rüşvət almaq maddələri ilə ittiham olunan A.Oktar 2019-cu ildə həbs olunub. Dini təriqət lideri olan A. Oktar sahibi olduğu kanalda “Kedicik” adlandırdığı qadınlarla birgə proqram aparıb.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2021 "The First News" İnformasiya Agentliyi,,
Bütün hüquqlar qorunur
entonee.net