1news.az

Aydan nümunələr gətirəcək “Çanye-5” Yerin təbii peykinə uğurlu eniş edib

2 Dekabr saat 09:40 ~ 1 dəqiqəlik oxu 2320
Aydan nümunələr gətirəcək “Çanye-5” Yerin təbii peykinə uğurlu eniş edib

Çinin Aydan nümunələr gətirmək üçün orbitə çıxardığı “Çanye-5”in (Chang'e-5) kosmik aparatının enmə-qalxma modulu Yerin təbii peykinə yumşaq eniş edib.

1news.az AZƏRTAC-a  istinadla xəbər verir ki, Ay orbitinə daxil olduqdan sonra “Çanye-5”in enmə-qalxma modulu kosmik aparatdan ayrılaraq, təxminən 15 dəqiqəyə Ayın səthinə yumşaq eniş edib. Bu, Ayın səthinə yumşaq eniş edən Çinin 3-cü moduludur. Modul Ayın səthinə enmə prosesinin videogörüntülərini idarəetmə mərkəzinə ötürüb. Modulun endiyi məkana bundan əvvəl Yerdən heç bir səfər olmayıb. Daha dəqiqi Çin modulunun eniş məkanı ABŞ və keçmiş SSRİ-nin Ay missiyalarının eniş yerlərindən fərqlidir.

Bildirilir ki, növbəti 2 sutka ərzində xüsusi robotun köməyi ilə Ay səthindən təxminən 2 kiloqram ağırlığında qaya və torpaq nümunələri götürüləcək. Yer və Ay arasında geometrik uyğunluq olanda kosmik aparatın geri dönən modulu Yerə qayıdacaq. Bildirilir ki, proses cədvələ uyğun davam edir.

Aydan gətirilən nümunələrin yaşının öyrənilməsi Günəş sisteminin tədqiqatına kömək edəcək.

1news.az 

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2021 "The First News" İnformasiya Agentliyi,,
Bütün hüquqlar qorunur
entonee.net