1news.az

11 brakonyer 176 il həbs cəzasına məhkum edildi

6 Dekabr saat 17:00 ~ 1 dəqiqəlik oxu 118
11 brakonyer 176 il həbs cəzasına məhkum edildi

Mozambik məhkəməsi Horonqos milli parkında qanunsuz fil ovladıqlarına görə 11 nəfəri 176 il həbs cəzasına məhkum edib.

1news.az-ın AZƏRTAC-a istinadən verdiyi xəbərə görə, hakim Martino Çeqere bu hökmün dövlətin brakonyerləri ən sərt şəkildə cəzalandırmaq qətiyyətinə dair siqnal olduğunu bildirib.

Mozambikdə 16 il davam edən vətəndaş müharibəsi (1976-1992) zamanı brakonyerlər heç bir məhdudiyyət olmadan fəaliyyət göstərirdi. Bu dövr ərzində Horonqos milli parkında yaşayan fillərin 90 faizi məhv edilmişdi. Fil dişlərinin satışından əldə edilən gəlirin bir hissəsi hökumət qüvvələrinə qarşı döyüşən üsyançıların dəstəklənməsinə sərf olunurdu.

Horonqos milli parkı 1920-ci ildə Mozambikdə hakim olan Portuqaliya administrasiyası tərəfindən təşkil olunub. Hazırda ölkənin mərkəzində yerləşən 4 min kvadratkilometrlik parkda 100 mindən çox iri heyvan yaşayır. Onların arasında 560 fil, 580 su ayğırı, 44 zebr, mindən çox camış və 2 min timsah var.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net