Avstraliyada İslama qarşı etiraz aksiyaları keçirilib
“Sky News” televiziya kanalının yaydığı məlumata görə, Avstraliyanın Melburn, Sidney, Pert və digər şəhərlərində etiraz aksiyaları keçirilib.
1news.az-ın telekanala istinadla bildirdiyinə görə, Melburnda məscid tikintisinin əleyhinə olanlarla bu təşəbbüsün tərəfdarlarının qatıldığı aksiyada minədək insan iştirak edib. Əks mövqelərdə dayanan iştirakçılar arasında toqquşma vəziyyəti yaranan zaman polis gözyaşardıcı qazdan istifadə edib.
Həmçinin bildirilir ki, polis səkkiz nəfəri, o cümlədən silahdan istifadə etməyə çalışan üç nəfəri ictimai asayiş qaydalarını pozduqlarına görə saxlayıb. Polisin atını vuran daha bir nəfər isə heyvanla kobud rəftara görə həbs olunub.
Kanalın məlumatına görə, digər şəhərlərdə mitinqlər əsasən dinc şəraitdə keçib.
1news.az
