“American Music Awards” musiqi mükafatının təqdimetmə mərasimi keçirilib
Dünən Los-Ancelesdə “American Music Awards” musiqi mükafatının təqdimetmə mərasimi keçirilib.
1news.az-ın “İnterfax” informasiya agentliyinə istinadla xəbər verir ki, mərasimin “İlin artisti” əsas nominasiyasının qalibi Britaniyanın “One Direction” qrupu olub. O, eyni zamanda ən yaxşı pop qrupu da seçilib.
Pop və rok janrında ən yaxşı kişi ifaçısı nominasiyası üzrə Ed Şiran, analoji qadın nominasiyasında isə Ariana Qrande qələbə qazanıb. Ən yaxşı mahnı adına Teylor Sviftin “Blank Space” kompozisiyası layıq görülüb. Nikki Minaj eyni zamanda iki mükafata - “Ən yaxşı rep/hip-hop artisti” və “Ən yaxşı rep/hip-hop albomu” mükafatlarına sahib olub.
“American Music Awards” mükafatına, həmçinin Castin Biber, Sem Hant, Rianna, Enrike İqlesias, “The Weeknd” və “Fall Out Boy” qrupları da layiq görülüblər.
1news.az
