Ermənistan parlament idarəetmə formasına keçir

Ermənistanın Mərkəzi Seçki Komissiyasının konstitusiya referendumunun səsvermənin nəticələrinin elektron hesablaması səhər saat 6-da başa çatıb.

1news.az “newsarmenia”-ya istinadən xəbər verir ki, bu saat üçün 1997 seçki dairəsinin nəticələri hesablanıb.

Mərkəzi Seçki Komissiyasının məlumatına görə, konstitusiya islahatlarına seçicilərin 63,35%-i “bəli”, 32,35%-i isə “xeyr” deyib.

Dekabrın 6-da keçirilən referendum seçicilərin həddən artıq zəif iştirakı ilə fərqlənib. Seçkilərdə seçicilərin 50,51%-i iştirak edib. Bu, son 2013-cü il prezident seçkilərindəki göstəricidən 9,5% azdır.

1news.az