Türkiyə və Avropa ölkələri öz hava məkanlarını Rusiyanın uzaqmənzilli aviasiyasına bağlayıb
Türkiyə və Avropa ölkələri öz hava məkanlarını Rusiyanın İŞİD mövqelərinə zərbələr endirən uzaqmənzilli aviasiyasına bağlayıblar.
1news.az-ın “РИА Новости”-yə istinadən verdiyi xəbərə görə, bu barədə Rusiya Hərbi-Kosmik Qüvvələrinin uzaqmənzilli aviasiyası komandanının müavini general-mayor Anatoli Konovalov bildirib.
Onun sözlərinə görə, bu səbəbdən pilotlar uçuşlarını Avropa hüdudlarından kənar marşrutlar üzrə müəyyən etmək məcburiyyətində qalıblar.
“Oleneqorsk bizim ən şimal nöqtədə yerləşən aerodromumuzdur. Bu bizə maksimum uzaq nöqtədə yanacaqdoldurmanı havada həyata keçirməyə imkan verir. Döyüş tapşırıqlarının digər marşrutlar üzrə yerinə yetirməsini istisna edən müəyyən məqamlar olub. Avropa buraxmayıb, Türkiyə də uçuşa icazə verməyib...”, - deyə Konovalov bildirib.
O qeyd edib ki, hətta bu cür şəraitə belə uzaqmənzilli aviasiya sübut etdi ki, verilən tapşırıqları uğurla yerinə yetirməyə qadirdir.
1news.az
