İstanbulda partlayış baş verib – FOTO

Bu gün səhər İstanbulun Heydərpaşa Limanında yük maşını partlayıb.

1news.az-ın NTV telekanalına istinadla verdiyi xəbərə görə, partlayışa yük maşınının yanacaq çəninin alovlanması səbəb olub.

İlkin məlumata əsasən, yanğın qısa müddət ərzində yanğınsöndürənlər tərəfindən söndürülüb. Maşının yararsız hala düşdüyü qeyd olunur.Hadisə nəticəsində yüngül xəsarət alan sürücü xəstəxanaya çatdırılıb. Onun həyatı üçün təhlükənin olmadığı bildirilir.

Qeyd olunur ki, partlayış Ukrayna dövlət qeydiyyat nişanlı avtomobildə baş verib vəyük maşını sitrus meyvələri ilə dolu olub.

1news.az