“Turkish Airlines” Bakı-İstanbul-Bakı reysi üzrə xüsusi aksiya keçirir

“Turkish Airlines” (Türk hava yolları) aviaşirkəti Bakı-İstanbul-Bakı reysi üzrə xüsusi endirimli aksiya təşkil edib.

Bu haqda “Türk hava yolları” şirkətindən verilən məlumata görə, aksiya çərçivəsində ikitərəfli uçuşların qiyməti 159 avro təşkil edir. 

Uçuşlar Bakıdan İstanbulun Atatürk və Sabiha Gökçen hava limanlarına həyata keçiriləcək. 

Öz növbəsində, şirkətin rəsmi saytında biletlərin satışı 2016-cı ilin 5-24 yanvar tarixlərində, uçuşlar isə yanvarın 15-dən martın 31-nə qədər göstərilib.

Ölkədə minimum qalma müddəti 2 gün, maksimum olaraq isə 1 ay təyin edilib.

1news.az