Gimnastlarımız Dünya Kubokunda çıxış ediblər

Türkiyənin Mersin şəhərində idman gimnastikası üzrə “Challenge” seriyasına aid FIG Dünya Kuboku keçirilib.

1news.az-ın məlumatına görə, kişi idmançıların yarışında ölkəmizi Murad Ağarzayev və Daniel Lukas təmsil edib.

Böyüklər arasında ilk dəfə çıxış edən Ağarzayev dəstəli at üzərində finalda 4-cü, sərbəst hərəkətlərdə 5-ci, turnik üzərində 6-cı, dayaqlı tullanmada 7-ci, parallel qollar və halqalar üzərində hərəkətlərdə isə 8-ci nəticəni göstərib.

Lukas isə dayaqlı tullanma üzrə finalda 5-ci yerdə qərarlaşıb.

1news.az