#MFLstars: “Bakılı qartallar”: Futbolu yalnız dostlarımızla oynayırıq – FOTO – VİDEO
Azərbaycanda həvəskarlar arasında mini futbol liqasının (MFL) birinci mövsümü öz ətrafında olduqca maraqlı komandaları topladı. Həmin komandalar hətta ikinci mövsümdə də çıxışlarını davam etdirdi.
“Baku Eagles” da həmin komandalardan biridir. Lakin ötən mövsümdə əsasnaməni pozduqları üçün turnirin pley-off mərhələsinə yüksələ bilmədilər.
1news.az #MFLstars layihəsi çərçivəsində “Baku Eagles” komandası ilə görüşərək oxucuları kollektivlə daha yaxından tanış etmək qərarına gəlib.
Komanda ilə görüşmək çox da asan olmadı. Belə ki, onlar paytaxtdan uzaqda yerləşən Bakı Atıcılıq Mərkəzində məşq edirlər. “Qartal”lar komandasının kapitanı İlkin Tahirovdur:
“MFL digər həvəskar liqalardan çox fərqlənir. Turnirin təşkilatçılığı və rəqiblərin səviyyəsi çox xoşumuza gəldi. Ölkənin ən güclü həvəskar komandaları məhz burada oynayırlar”.
“Baku Eagles” komandasının sakit olmasına baxmayaraq, iddialı futbolçusu Elçin Mütəllimov bildirib ki, komanda bu il yalnız və yalnız “qızıla” köklənib:
“Bu il çempion olmaq istəyirik. Rəqibimizin kim olacağı vacib deyil. Bu il liqada rəqibimiz yoxdur”.
“Bütün matçlara çox ciddi hazırlaşırıq. Uşaqlar bir-birini meydanlarda çox yaxşı anlayırlar. Buna görə də hər zaman eyni yerdə matçlar keçiririk. Biz tərəfdən rəqibimizin qiymətləndirilməməsi məsələsi yoxdur (gülür)”, - bunu “Baku Eagles” komandasının bombardiri Sadiq Süleymanov bildirir.
“Baku Eagles”ın oyunçuları maraqlı söhbətlərindən komandanın MFL-lə bağlılığını qısa zamanda anlamaq olur. Komandanın kapitanı görüşə zədələnmiş ayağı ilə gəlmişdi. Lakin zədəyə baxmayaraq əgər 10 dəqiqə sonra oyun olsa kapitan da oynamağa hazırdır.
Lakin müsbət məqamların olmasına baxmayaraq, söhbət əsasnamədən getdikdə kapitanın üzünü kədər bürüdü. Ötən mövsümdə komandanın tərkibində əsasnaməni pozan “saxtakarlıq” aşkarlanmışdı. Lalin İlkin Tahirov məsələyə dərhal aydınlıq gətirdi:
“Futbolda belə məqamlar olur. MFL-də hər kəs bilirdi ki, əsasnamədən xəbərimiz yox idi. Bütün kapitanlar komandadakı saxtakarlıqdan xəbərdardır, lakin buna göz yumurlar. Hər kəsə məsləhətim – MFL-in qaydalarını pozan futboçulardan dərhal uzaqlaşsınlar. Yoxsa hər kəsi bizim tale gözləyir”.
Komanda bir-birini uzun illər tanıyan dostlardan formalaşıb. Komandanın ilk oyunçularından biri Sərxan Vəliyevdir. O, komandanın məşqləri ilə bağlı danışdı:
“Matçlardan başqa, həftədə 1 və ya 2 dəfə məşqlərə toplaşırıq. Uşaqlar bir-birini çox yaxşı tamamlayır. Komandamızın uğuru ondan ibarətdir ki, biz sözün əsl mənasında komandayıq. MFL-də oynamaq bizi sözün əsl mənasında dəyişib. Gələcəkdə də bu ənənəni qoruyub saxlayacağıq”.
Komandanın kapitanı Sərxanın sözünü kəsərək bir xatirəsini bölüşür:
“Keçmişə nəzər saldıqda Sərxan və Elçinin peşəkar futbolçu ola biləcəklərini anlayıram. Bu uşaqlarla uzun müddətdir ki, tanışam. Lakin onlar peşəkar futbolçu olmadıqlarına çox təəssüf edirəm. İnanın, öz istedadları ilə onlar yığmanın digər oyunçularından geri qalmırlar”.
“Bəs nədən peşəkar futbolçu olmadınız” sualına Sərxan zarafatcasına cavab verir:
“Sosial problemlər vardı. Sözün düzü həmin vaxtlar universitetə qəbul oldum və futbolu unutdum. Bəlkə də 12 il əvvəl indiki kimi şərait olsaydı, hər şey başqa cür olardı”.
Ötən mövsümdən fərqli olaraq MFL-in hazırki çempioantında çox dəyişikliklər edilib. Komandalar futbola adi deyil, “cəngavərlər üçün meydan” kimi baxmağa başladılar. Komandalar final oyunlarından sonra öz tərkiblərini genişləndirməyə başladılar. Bu da liqada güc bərabərliyini dəyişdi. Lakin “Baku Eagles” ötənilki tərkibini qoruyub saxlaya bildi və həvəskarlar liqasında transfer təcrübəsinə qarşı çıxış etdi.
“Hər zaman oyunlarımızı daha da mükəmməlləşdirməyə çalışırıq. Komanda dostlardan formalaşıb, hər zaman da belə olacaq. MFL-də bir çox komdandalar kənardan oyunçu cəlb edərək onlara məvacib ödəyirlər. Bizim komandadan olan oyunçulara da digər komandalarda oynamaq təklif olunmuşdu, lakin biz qardaşıq. Yalnız meydanda deyil, ondan kənarda da dostluğumuz davam edir”, - deyə İlkin Tahirov dedi.
Tərcümə: S.Xankişiyeva
MFL-i onlayn izləyin:
