Zelenski Avropaya səslənib: Bu gün hamınız ukraynalısınız! – VİDEO
Avropa xalqına səslənirəm, küçəyə çıxın, dəstəkləyin, əlinizdən nə gəlirsə, edin. Əgər biz qazansaq, bu, böyük bir zəfər olacaq. Biz məğlub olsaq, Avropa məğlub olacaq.
1news.az-ın verdiyi xəbərə görə, bu barədə Ukrayna Prezidenti Volodimir Zelenski Tbilisi də daxil olmaqla Avropanın 7 şəhərinə müraciətində deyib.
Dövlət başçısının müraciəti Gürcüstan parlamentinin binası qarşısında quraşdırılmış monitorlarda telekörpü vasitəsilə yayımlanıb. Müraciəti qanunverici orqanın binası qarşısında keçirilən Ukraynaya kütləvi dəstək aksiyasının iştirakçıları alqışlarla qarşılayıblar.
Zelenski çıxışının ilk dəqiqəsini Ukraynanın müdafiəsi uğrunda həlak olanların, ikinci dəqiqəsini isə ölən mülki şəxslərin xatirəsinin sükutla yad edilməsinə həsr edib.
Prezident Avropanı səssiz qalmamağa, Ukraynaya dəstəyə çağırıb: “Gözlərinizi yummayın, gəlin və mübarizəmizə bacardığınız qədər dəstək olun. Əminəm ki, Ukrayna qələbə qazanacaq. Bu qələbə bütün demokratik dünyanın, bizim azadlığımızın, işığın zülmət üzərində zəfəri olacaq. Vilnüs, Frankfurt, Tbilisi, Bratislava, Praqa, Leon, Paris, bu gün siz hamınız ukraynalısınız!”.
Mövzu ilə əlaqədar oxuyun:
Zelenski Ukraynaya gələn 16 min könüllünü qarşılayıb – VİDEO
Rusiya və Ukrayna arasında müvəqqəti atəşkəs elan olundu
Rasim Musabəyov: Ukraynanı dərhal Avropa İttifaqına qəbul edin! - VİDEO
Zelenski: Bir həftədə Rusiya ordusunun 9 min hərbçisi öldürülüb
Zelenski: Ordu ilə birlikdə Ukraynanı müdafiə edəcəyik - VİDEO
