Azərbaycan taekvondoçuları dünya birinciliyində 4 medal qazanaraq 2 rekord vurublar | 1news.az | Xəbərlər
İdman

Azərbaycan taekvondoçuları dünya birinciliyində 4 medal qazanaraq 2 rekord vurublar

09:12 - 01 / 08 / 2022
Azərbaycan taekvondoçuları dünya birinciliyində 4 medal qazanaraq 2 rekord vurublar

Bolqarıstanın paytaxtı Sofiyada yeniyetmə taekvondoçular arasında dünya birinciliyi başa çatıb.

Taekvondo Federasiyasından verilən məlumata görə, yarışın son günü də Azərbaycan millisi üçün uğurlu alınıb.

Aktivində 1 qızıl və 1 bürünc medal olan yığmamızın bu gün daha 2 taekvondoçusu fəxri kürsüyə yüksəlib.

Milli üzvlərindən Bahadur Dostuyev çıxışını mükafatla yekunlaşdırıb. 49 kq çəki dərəcəsində mübarizə aparan idmançı debüt görüşündə polşalı Yakub Soltsiakı məğlub edib - 2:0. Onun 1/8 finalda rəqibi Zaid Peres (Meksika) olub. Gərgin keçən döyüş təmsilçimizin 2:1 hesablı qələbəsi ilə bitib. Dostuyev 1/4 finalda Apostolos Panaqopoulosdan (Yunanıstan) da güclü olub (2:0).

Taekvondoçumuz yarımfinalda Eunselok Li (Cənubi Koreya) ilə üz-üzə gəlib. Rəqib mərhələ adladığından Bahadur bürünc medala yiyələnib.

Onun uğurunu Yunis Hüseynov (61 kq) da təkrarlayıb. Həmyerlimiz ardıcıl olaraq livanlı Joey Yusif, hindistanlı Gitiş və monteneqrolu Enes Duşkini mübarizədən kənarlaşdıraraq, yarımfinalda iştirak hüququ qazanıb. Finala gedən yolda Nika Qoqoberidze (Gürcüstan) ilə üz-üzə gələn Hüseynov məğlub olduğundan 3-cü yeri tutub.

Beləliklə, Azərbaycan millisi 77 ölkədən 670-dən çox idmançının qatıldığı və 4 gün davam edən mundialı 1 qızıl və 3 bürünc medalla başa vurub. Dostuyev və Hüseynovdan öncə Mehdi Budaqlı (33 kq) dünya çempionu tituluna sahib olub, Fuad Məhərləmli (45 kq) 3-cü yerdə qərarlaşıb.

Bu nəticə Azərbaycan taekvondosu tarixində 2 rekordla əlamətdar olub. Mehdi Budaqlı yeniyetmələrin mübarizəsində ölkəmizə ilk qızıl mükafatı qazandırdığı halda, milli medal sayında ən yaxşı göstəricisinə imza atıb. İndiyədək komandamız heç bir dünya birinciliyində 4 mükafata sahib olmamışdı. Sofiyadakı yarışadək ən yaxşı nəticə 2014-cü ildə Bakıda qeydə alınmışdı. Həmin mundialı yığmamız 2 gümüş və 1 bürünc medalla bitirmişdi.

Yığmamız oğlanların komanda hesabında 4-cü olub. Azərbaycanlı referi Aygül Abdullayeva isə mundialın ən yaxşı hakimi seçilib.

Qeyd edək ki, milli avqustun 2-də Vətənə qayıdacaq. Onları gətirəcək təyyarə saat 01:40-da Heydər Əliyev Beynəlxalq Aeroportuna eniş edəcək və komandanın qarşılanma mərasimi olacaq.

1news.az

Paylaş:
243

Son xəbərlər

Ərdoğan: Beynəlxalq ictimaiyyət Qarabağda işğala qarşı heç bir addım atmadıBu gün, 16:14Sabahın hava proqnozu açıqlanıbBu gün, 15:56Sabah bağçalara işə qəbul üçün qeydiyyat başa çatacaqBu gün, 15:43XI Dünya Oyunlarında ən yüksək nəticələr göstərmiş idmançılar və məşqçiləri mükafatlandırılıbBu gün, 15:28“Bolt Services AZ” MMC-yə maliyyə sanksiyası tətbiq olunubBu gün, 14:56Yelo Bank artıq Qəbələdə - FOTOBu gün, 14:50“Nar” Azərbaycanda ilk üztanıma texnologiyalı eSIM xidmətini təqdim etdiBu gün, 14:40Qaradağda yolların yenidən qurulmasına 5,3 milyon manat ayrılıb - SƏRƏNCAMBu gün, 14:02XİN: Azərbaycan Gürcüstanın ərazi bütövlüyü və suverenliyini dəstəkləyirBu gün, 13:44MN: Sosial şəbəkədə özünü hərbi polis kimi təqdim edən vətəndaşın Orduya aidiyyəti yoxdurBu gün, 13:3961 bağça müdiri işdən çıxarılıb, biri ilə bağlı sənədlər hüquq-mühafizə orqanlarına göndərilibBu gün, 13:20Çavuşoğlu: “Dost da, düşmən də bilsin ki, can Azərbaycan tək deyil”Bu gün, 12:43Məhsul qiymətləri ilə bağlı “Veysəloğlu”dan aylıq AÇIQLAMABu gün, 12:30Allahşükür Paşazadə: Londonda səfirliyimizə hücum edənlərin cəzalandırılmasını tələb edirikBu gün, 12:26Bakı-Ələt yolundakı qəzada yaralanan beş nəfərdən xəbər varBu gün, 12:08DTX-nin həbs etdiyi “Broker Əbülfəz” kimdir?Bu gün, 12:05Sabunçu polisi əməliyyat keçirdi, 61 nəfər tutuldu - FOTOBu gün, 11:49Azərbaycanda Aşura günü ilə bağlı qanvermə aksiyası keçirilirBu gün, 11:30Məktəbəhazırlıq qrupları üçün məktəb seçimi başlayırBu gün, 11:16Manatın xarici valyutalara qarşı rəsmi məzənnəsiBu gün, 10:51
Bütün xəbərlər

Next TV