Deputat: “Bölgələrdə iqtisadi subyektlərin yaradılması əhalinin rifah halına müsbət təsir göstərəcək” | 1news.az | Xəbərlər
Siyasət

Deputat: “Bölgələrdə iqtisadi subyektlərin yaradılması əhalinin rifah halına müsbət təsir göstərəcək”

Qafar Ağayev09:31 - 17 / 08 / 2022
Deputat: “Bölgələrdə iqtisadi subyektlərin yaradılması əhalinin rifah halına müsbət təsir göstərəcək”

“Müstəqilliyini əldə etdikdən sonra Azərbaycanda dövlət quruculuğu və iqtisadiyyatın şaxələndirilməsi istiqamətində ardıcıl işlər görülüb”.

Bunu 1news.az-a açıqlamasında Milli Məclisin deputatı Məzahir Əfəndiyev deyib. Deputat bildirib ki, dünya arxitekturasının dəyişdiyinin müşahidə olunduğu bir zamanda, xüsusilə də dördüncü sənaye inqilabının gətirdiyi yeni çağırışlar fonunda Azərbaycan postpandemiya və postmüharibə dövründə yeni bir inkişaf mərhələsinə qədəm qoyub.

“Bu gün Azərbaycanda müşahidə etdiyimiz vacib məsələlərdən biri də ölkə iqtisadiyyatının Prezident İlham Əliyevin rəhbərliyi dövründə dəfələrlə böyüməsi, əhalinin nominal gəlirlərinin 10 dəfə, ümumi daxili məhsulun (ÜDM) istehsalının 2003-cü illə müqayisədə 8,3 dəfə artması, eləcə də cari ilin dövlət büdcəsinin xərc hissəsinin təqribən 29 milyard manat təşkil etməsidir.

Qlobal arenada iqtisadi cəhətdən əsaslandırılmamış baş verən hadisələri nəzərə almasaq ölkəmiz eyni zamanda dünya iqtisadiyyatına uğurla inteqrə etməkdədir. Ölkə iqtisadiyyatının davamlı olaraq şaxələndirilməsi, qeyri-neft sektorunun çəkisinin artması və inkişaf etdirilməsi ilə yanaşı, neftdən asılılığın aradan qaldırılması istiqamətində böyük işlər görülməkdədir. Dövlət Neft Fondundan dövlət büdcəsinə olunan transfertlərin ildən-ilə azalması göz qabağındadır. Bu ilin altı ayı ərzində qeyri-neft sektorunda müşahidə olunan müsbət dinamika Dövlət Neft Fondunun aktivlərindən qənaətlə istifadə etməyə imkan yaradıb”.

“Eyni zamanda Azərbaycanın iqtisadi asılılığının günü-gündən aşağı düşməsi xarici borcumuzun azalması ilə də şərtlənir” – deyə, deputat əlavə edib:

“Belə ki, bu gün xarici dövlət borcumuz ÜDM-nin 11.7 faizini təşkil edir. Həyata keçirilən bu məqsədyönlü siyasətin əsas fəlsəfəsi Azərbaycanın malik olduğu öz potensial və daxili imkanlarını daha da genişləndirməsinə yönəlmişdir.

Qarşıya qoyulan hədəflərə nail olmaq üçün bu gün kənd təsərrüfatı sahəsində dövlət tərəfindən müəyyən olunmuş sahibkarlara göstərilən dəstək daha da artırıla bilər. Onların fəaliyyətinin monitorinqini və əlaqələndirilməsini aparmaqla qısa zamanda əhalinin kənd təsərrüfatı məhsullarına tələbatının daxili istehsal hesabına tam ödənilməsi təmin ediləcəkdir.

Həmçinin ölkədə mövcud olan turizm potensialının düzgün istifadə olunmaqla bütün istiqamətlərdə müasirləşdirilməsi turizm sahəsinin dövlət büdcəsinin formalaşmasına, habelə ÜDM-də payının artmasında rolunu daha da artıracaq”.

M.Əfəndiyev deyib ki, 12 avqust 2022-ci il tarixində Prezident İlham Əliyevin Qobustan, İsmayıllı və Ağsu rayonlarına səfərləri çərçivəsində açılışlarında iştirak etdiyi obyektlərin gələcək fəaliyyəti bilavasitə ölkə iqtisadiyyatının, xüsusilə də turizm siyasəti və sahibkarlığın inkişafına dəstək olacaqdır.

“Basqalda istifadəyə verilmiş və 179 otaqdan ibarət otel region əhalisinin ictimai-mədəni və sosial həyatına da müsbət təsir göstərməklə yanaşı, bölgənin turizm potensialını daha da gücləndirəcəkdir.

Regionlarda xüsusilə işsizliyin aradan qaldırılması, habelə büdcə yükünün azaldılmasına yönəlik iqtisadi subyektlərin açılması ölkə iqtisadiyyatının dayanıqlı inkişafının göstəricilərindəndir.

Səfər çərçivəsində Cənab Prezident Ağsu şəhərindəki Bayraq meydanında Gənc Sənətkarlar Mərkəzinin və Dövlət Rəmzləri Muzeyinin də açılışında iştirak etdi. Azərbaycanın dövlət atributlarını, habelə mədəni həyatını müasir çağırışlarla zənginləşdirən muzeylərin, mərkəzlərin açılışlarının edilməsi gələcək nəsillər qarşısında Azərbaycanın dövlətçilik ənənələri və tarixinin yüksək səviyyədə təbliğ olunmasına böyük töhfədir.

Həyata keçirilən bütün tədbirlər iqtisadi artım tempini qoruyub saxlamaqla yanaşı, cəmiyyəti bu gün daha çox narahat edən işsizlik probleminin həll olunmasının vacibliyini ortaya qoyur, habelə həyat üçün vacib bütün sahələrin hər zaman ölkə başçısının tam nəzarəti altında olduğunu bir daha sübut edir”.

Paylaş:
148

Son xəbərlər

Azərbaycanda daha 129 nəfər COVID-19-a yoluxubBu gün, 16:42V ANİMAFİLM Beynəlxalq Animasiya Festivalından əldə olunan gəlir Qarabağ Dirçəliş Fonduna ianə edildiBu gün, 16:33AMEA-nın strukturu təsdiqlənibBu gün, 16:20Özünü gözəlliyə qurban verənlər – “Estetik əməliyyat etdirən hər qadın xoşbəxt olmur”- ŞƏRHBu gün, 16:01Təhsil fəaliyyəti ilə bağlı bir sıra vasitələr gömrük rüsumundan azad ediləcəkBu gün, 15:44Əmlakın, avtomobillərin alqı-satqısı və ipoteka qoyulması proseduru elektronlaşdırılırBu gün, 15:37Prokurorluq əməkdaşlarına ali xüsusi rütbələr verildi - SƏRƏNCAMBu gün, 15:06Ermənistanın Armenpress agentliyi EANA-ya üzv qəbul edilmədiBu gün, 14:52Milli Məclisin deputatları Bolqarıstanda parlament seçkilərini müşahidə edəcəklərBu gün, 14:30Azərbaycan və Bolqarıstan prezidentləri mətbuata bəyanatlarla çıxış ediblərBu gün, 14:24Sofiyada Azərbaycan və Bolqarıstan prezidentlərinin geniş tərkibdə görüşü olubBu gün, 14:12Nəsimi rayonunun küçələrində monitorinq keçirilib - FOTOBu gün, 13:55Sabahdan Bakıda bal yarmarkası başlayırBu gün, 13:39Bərdədə “bayraq qalmaqalı” ilə bağlı cinayət işi başlanıb - VİDEOBu gün, 13:35Deputat: “Azərbaycan, Türkiyə və Pakistan yaxın dost, qardaş kimi tarixə daxil olublar”.Bu gün, 13:18Azərbaycan və Bolqarıstan Prezidentlərinin təkbətək görüşü olub - FOTOBu gün, 13:14Azərbaycan xalqı 2023-cü ili – “Heydər Əliyev İli”ni Böyük Qayıdışla qeyd edəcəkBu gün, 13:02Oktrabrın ilk gününün havası açıqlandıBu gün, 12:44Azərbaycan Prezidenti Sofiyada naməlum əsgərin məzarını ziyarət edibBu gün, 12:38Sofiyada Prezident İlham Əliyevin rəsmi qarşılanma mərasimi olubBu gün, 12:35
Bütün xəbərlər

Next TV