Beynəlxalq insan haqları müdafiəçiləri Ermənistanı Xocalı soyqırımını tanımağa çağırıb | 1news.az | Xəbərlər
Siyasət

Beynəlxalq insan haqları müdafiəçiləri Ermənistanı Xocalı soyqırımını tanımağa çağırıb

15:00 - 06 / 10 / 2022
Beynəlxalq insan haqları müdafiəçiləri Ermənistanı Xocalı soyqırımını tanımağa çağırıb

Bu gün BMT İnsan Haqları Şurasının 51-ci sessiyası çərçivəsində “Etiraf və barışıq: sülh və ədalət yolunda vətəndaş cəmiyyəti dialoqunun rolu” adlı seminar keçirilib.

1news.az xəbər verir ki, BMT-nin Cenevrədəki Ofisində keçirilən tədbir “Xocalı : Barışıq üçün etiraf et” Koalisiyası tərəfindən təşkil edilib.

Tədbirdə əsas məruzəçi kimi çıxış edən “Srebrenitsa Anaları” İctimai Birliyinin sədri, tanınmış hüquq müdafiəçisi Munira Subaşiç Srebrenitsa və Xocalı soyqırımı arasında bənzərliyə diqqəti çəkərək təəssüflə qeyd edib ki, Ermənistan rəhbərliyi Qarabağ münaqişəsi zamanı baş vermiş ən kütləvi qırğına görə məsuliyyəti hələ də qəbul etməyib. Bu isə post – münaqişə dövründə iki xalq arasında dayanıqlı sülhün əldə olunması qarşısında əsas maneələrdən biridir. “Etibar olmadan barışıq ola bilməz, həqiqət təsbit olmadan isə etibar bərqərar ola bilməz” deyən Munira ana Ermənistanı keçmişi ilə hesablaşmağa çağırıb.

Koalisiyanın təşəbbüskarı, Soyqırımı və Kütləvi Qırğınlara Qarşı Budapeşt Mərkəzinin sədri Giorgi Tatar çıxışı zamanı 2020-ci il 10 noyabr atəşkəs razılaşması ilə uzun illər davam edən Qarabağ münaqişəsinə son qoyduğu və xalqlar arasında barışıq üçün tarixi şansın yarandığına diqqəti çəkib. Bu ilin əvvəlində ATƏT platformasında təsis olunan Koalisiyanın bu məqsədə xidmət edəcəyini qeyd edən keçmiş diplomat bildirib ki, yalnız Ermənistan Xocalı soyqırımını tanıyacağı və iki ölkənin cəmiyyətləri arasında bu mövzuda səmimi dialoqun bərqərar ediləcəyi halda barışıq səmimi və dayanıqlı ola bilər.

Tədbirin təşkilatçılarından biri, Fransanın Vicdan Azadlığı Uğurunda Koordinasiya Mərkəzinin prezidenti Tyeri Valle Azərbaycan-Ermənistan sərhədində ötən ay baş vermiş qarşıdurmadan sonra erməni sosial media seqmentində Azərbaycanlılara qarşı “daha bir Xocalı yaşatmaq” çağırışlarına diqqəti çəkib. Bunu Ermənistanda Xocalı mövzusuna 30 il ərzində qoyulan qadağanın nəticəsi kimi qiymətləndirən fransalı hüquq müdafiəçisi “Ermənistanı Xocalı sindromundan qurtarmağın zamanıdır” deyə vurğulayıb.

Tədbirdə daha sonra çıxış edən İtaliya Helsinki Komitəsinin sədri professor Antonio Stanqo, Danimarka İnsan Hüquqları İnstitutu Şurasının üzvü Başi Qureyşi XX əsrdə baş verən qətliamlar və xalqlar arasında barışıq təcrübəsindən danışıblar. Ekspertlər qeyd edib ki, bütün müharibələr sonda sülh ilə bitir, lakin münaqişələr zamanı törədilmiş insanlığa qarşı cinayətlər uzun illər xalqlar arasında münasibətləri zəhərləyir. Natiqlər beynəlxalq təcrübədə “keçid ədaləti” modelinə uyğun olaraq cinayəti törətmiş tərəfin ilk olaraq faktı qəbul etməsi, faktı ört-basdır etməməsi, ağrılı mövzular ətrafında tərəflər arasında dialoqun qurulmasının sülhün əldə olunmasında qaçılmaz vasitə olduğunu qeyd ediblər.

Tədbirdə Koalisiya üzvləri tərəfindən aparılan müzakirələr nəticəsində qəbul edilmiş Kommünikedə Ermənistan rəhbərliyinə Xocalı soyqırımını tanımaq çağırışı ifadə olunub. Həmçinin Ermənistan və Azərbaycan vətəndaş cəmiyyətləri arasında birbaşa dialoq prosesini başlatmaq üçün Koalisiya üzvlərinin yaxın zamanlarda Azərbaycan və Ermənistana səfərlərinin təşkil olunacağı qeyd olunaraq, iki ölkə hökumətinə səfərlərə şərait yaradılması üçün müraciət edilib. Kommünikedə beynəlxalq təsisat və insan hüquqları təşkilatlarına müraciət olunaraq Koalisiyanın məqsədlərinə dəstək vermək barədə çağırış da öz əksini tapıb.

Paylaş:
137

Son xəbərlər

Xəzər dənizinin sahilində 700-ə yaxın ölü suiti tapılıb03 / 12 / 2022, 18:11Sabunçuda ikimərtəbəli evdə yanğın olub03 / 12 / 2022, 17:47Daşkəsəndə avtomobillər toqquşub, müəllim ölüb03 / 12 / 2022, 17:28Son 30 ildə Ermənistanın mina terrorundan zərər çəkən azərbaycanlıların sayı açıqlanıb03 / 12 / 2022, 17:11Görmə məhdudiyyətli insanlar üçün avtobuslarda dayanacaq adlarının səsləndirilməsinə başlanıb - VİDEO03 / 12 / 2022, 16:54Bakıda anadan olan Rusiya yazıçısı koronavirusdan vəfat edib03 / 12 / 2022, 16:52Qəbələdə dağlıq-meşəlik ərazidə itkin düşən şəxs 4 gün əvvəl gəzmək adı ilə evdən çıxıb - FOTO - YENİLƏNİB03 / 12 / 2022, 16:37Fövqəladə hallarda davranış qaydaları ilə bağlı maarifləndirmə tədbiri keçirilib03 / 12 / 2022, 16:17Bakı sakini istintaq təcridxanasında saxlanılan qohumuna narkotik keçirmək istəyib03 / 12 / 2022, 15:58Görkəmli şəxsiyyətlərin və şəhidlərin xatirəsinin əbədiləşdirilməsi üzrə komissiyanın tərkibi genişləndirilib03 / 12 / 2022, 15:21Dövlət qurumları Rusiya sülhməramlı qüvvələrinin müvəqqəti yerləşdirildiyi ərazilərdə ekoloji araşdırma aparmaq üçün mütəxəssislər göndərib03 / 12 / 2022, 15:05Sabirabadda yük avtomobili yanıb - FOTO - VİDEO03 / 12 / 2022, 14:48Milli Məclisin növbəti iclasının tarixi və gündəliyi açıqlanıb03 / 12 / 2022, 14:30Fərid Qayıbov yenidən Avropa Gimnastikasının prezidenti seçilib03 / 12 / 2022, 14:20Gəncədə toy karvanında avtoxuliqanlıq edən şəxslər saxlanılıb - FOTO03 / 12 / 2022, 14:00Sumqayıda 15 gündə 3 cinayətkar dəstə üzvü tutulub03 / 12 / 2022, 13:38Yasamalda evdən meyit tapılıb03 / 12 / 2022, 13:35Gəncə sakinində silah-sursat aşkarlanıb - FOTO03 / 12 / 2022, 13:14Şəxsi avtomobildən ictimai nəqliyyata keçməyə hazırıq? - Bakının tıxac probleminin həlli yolları - ŞƏRH03 / 12 / 2022, 13:10Xırdalanda çoxmərtəbəli yaşayış binasında partlayış olub - FOTO - VİDEO03 / 12 / 2022, 12:46
Bütün xəbərlər

Next TV