Səfir: “Cəbhədə məğlub olan ermənilər mülki əraziləri atəşə tutdu”
"Ermənilər cəbhədə məğlub olduğunu görüncə, kəndlər, şəhərlər azad olunduqca mülki insanların yaşadığı yerləri raket atəşinə tutmuşdu".
1news.az xəbər verir ki, bunu Türkiyənin Azərbaycandakı səfiri Cahid Bağcı Gəncədə jurnalistlərə açıqlamasında deyib.
"Bu gün biz səfirlər, diplomatik korpusun nümayəndələri olaraq Gəncədəyik, şəhidlərə rəhmət diləyirik.
Gəncə şəhərində Ermənistan silahlı qüvvələrinin raket atəşinə məruz qalan ərazilər Cənab Prezident İlham Əliyevin təlimatları ilə memorial kompleksə çevrilib.
Bunları heç bir zaman unutmadıq və unutmayacağıq. Türkiyə Respublikası adına Gəncədəki mülki hədəflərin vurulması nəticəsində şəhid olanlara Allahdan rəhmət, yaralılara şəfa diləyirik. Şəhidlərin, qazilərin sayəsində ərazilər azad oldu" - deyə, səfir əlavə edib.
