“2 ildir erməni xalqı məni təhqir edir” - Paşinyanın arvadı
“Müharibə zamanı Baş nazirin arvadının komandanlıq məntəqələrində, səngərlərdə, hərbi hissələrdə, poliqonlarda, generallarla, çavuşlarla, sıravilərlə eyni yerlərdə nə işi var idi? İki ildir ki, Ermənistanda və Ermənistandan kənarda müxtəlif insanlar öz intellektləri, dəyər sistemi və mənəvi qavrayışları çərçivəsində ən pis ifadələrlə məni təhqir edirlər”.
1news.az erməni mediasına istinadən xəbər verir ki, bu sözləri Ermənistanın Baş naziri Nikol Paşinyanın həyat yoldaşı Anna Akopyan sosial şəbəkə hesabında yazıb.
“Düzünü desəm bilmirəm, hansı üstünlükdür: sən öləndən sonra heyvanlar cansız bədənini yeyib-bitirir, yoxsa soydaşların bütün ruhunu parçalayıb adını ləkələyir. Baş nazirin arvadının müharibə zamanı görüşü, geyimi, hərəkətləri ilə bağlı protokol var? Bəəlkə də mövcuddur və bəlkə də həmin protokola görə, Baş nazirin arvadı ofis işləri ilə məhdudlaşmalıdır. İki ildir ki, mənə qarşı bu çirkin kampaniyanı maneəsiz həyata keçirmək üçün əlverişli şərait yaradan geniş ümumerməni vətənpərvərlik mövqeyini başa düşə bilmirəm”, - deyə o, paylaşımında qeyd edib.
