Britaniya Kralı Liz Trassın istefasını qəbul edib

Böyük Britaniyanın Baş naziri postundan istefa vermiş Liz Trass ərizəsini kral Çarlza təqdim edib.

1news.az xəbər verir ki, məlumatı BBC yayıb.

Bundan əvvəl o, Baş nazir kimi sonuncu çıxışını edib. L.Trass qısa çıxışında vergilərin azaldılmasına təkan vermək məqsədi ilə atdığı addımları müdafiə edərək deyib:

“Bizə indi əvvəlkindən daha çox cəsarətli olmaq lazımdır”.

Xatırladaq ki, Liz Tras sentyabrın 6-dan oktyabrın 20-dək hökumətə başçılıq edib. Onun yerinə oktyabrın 24-də Rişi Sunak seçilib. Bu gün onun kral Çarlzla görüşü planlaşdırılıb.

1news.az