Deputat: “Biz dövrü postkorona adlandıracağıq”
“Koronavirusa qarşı mübarizədə çox kritik mərhələyə daxil oluruq” .
Bunu 1news.az-a Milli Məclisin deputatı Hikmət Babaoğlu deyib. Deputat bildirib ki, əgər bunun fərqində olmasaq hər birimiz öz şəxsi qarantin rejimimizi elan edib özümüzü təcrid etməsək ən pis senari ilə üzləşə bilərik .
“Ona görə də bu vaxta qədər yol verdiyimiz məsuliyyətsizliyi , səhlənkarlığı bir kənara qoyub həyatımızda ciddi qarantin rejimini tətbiq etdiyimiz tamamilə yeni bir səhifə açmağı bacarmalıyıq . Əks təqdirdə nəinki özümüzün həm də yaxınlarımızın , sevdiklərimizi həyatına ciddi təhlükə yarada bilərik. Hər birimizin müşahidə etdiyimiz və müqayisə edərək doğru nəticə çıxara biləcəyimiz dünya təcrubəsi var. Hansı ölkələrdə qarantin rejimi vətəndaşıar tərəfindən ciddi qəbul edildisə, ona riayət olundusa həmin ölkələr koronavirusa minimum itkiylə qalib gələ bildilər. Bunu əksini edənlər isə çox ağır itkilərə məruz qalmalı oldular. Bu ağır günlərdə birinci dərəcəli vatəndaçlıq borcumuz maksiimum özünütəcridetmədir. Maksimim passiv evdə qalmaqdır . Bu gün passiv evdəqalama koronavirusa qarşı ən aktiv mübarizə aparmaq deməkdir .
H.Babaoğlu bildirib ki, bir müddət sonra bu təhlükə də arxada qalacaq .
“Sosial-ictimai həyatımızda yeni bir dövr başlayacaq və biz bu dövrü postkorona dövrü adlandıracağıq . Gəlin elə tədbirlər alaq ki, bu dövrə yaxınlarımızla, əzizlərimizlə birlikdə qədəm qoya bilək. Bu gün birimizin təhlükəsizliyi hər birimizin təhlükəsizliyidir. Birimizin məsuliyyətsizliyi isə hər birimiz üçün təhlükədir. Təhlükəni birgə dəf etmək hamımızın vətəndaşlıq vəzifəmiz və borcumuzdur. “Evdə qal Azərbaycan”, “Vətəndaş, evdə qal” bu günün ən aktual çağırışıdır . Evdə qalaq, bu günümüzü, gələcəyimizi xilas edək!"
Qafar Ağayev