1news.az

İranda orta məktəblərdə Azərbaycan dilinin tədrisinə başlanır

23 Sentyabr saat 15:20 ~ 1 dəqiqəlik oxu 62
İranda orta məktəblərdə Azərbaycan dilinin tədrisinə başlanır

Bu gündən İranın Şərqi Azərbaycan vilayətinin bəzi orta məktəblərində Azərbaycan dilinin tədrisinə başlanacaq.

1news.az-ın Trend-ə istinadən verdiyi xəbərə görə, bunu İranın qərbində yerləşən Şərqi Azərbaycan vilayətinin təhsil və təlim idarəsinin baş direktoru Cəfər Paşayi deyib.

C.Paşayinin sözlərinə görə, bu barədə vilayətin təhsil-təlim şurasında qərar verilib.

Direktor əlavə edib ki, qərara əsasən, Azərbaycan dilinin tədrisi pilot layihə çərçivəsində həftədə iki saat olacaq.

İdarə rəsmisi artıq məktəblər və müəllimlərin sayının müəyyənləşdiyini deyib.

Şərqi Azərbaycan vilayətinin orta məktəblərində Azərbaycan dilinin tədrisinin əhəmiyyətini vurğulayan Paşayi bildirib ki, İran konstitusiyasının 15-ci maddəsi yerli dillərin tədrisinə imkan verir.

İranın Ərdəbil vilayətinin islam şurasının sədri Yaqub Haşemi şuranın iclasında deyib ki, Ərdəbildə Azərbaycan dilinin tədrisi diqqət mərkəzində durmalıdır.

Y.Haşeminin sözlərinə görə, İran konstitusiyasına əsasən, Azərbaycan türkcəsi tədris edilməlidir:

1news.az

OXUCULARIN SEÇİMİ
REDAKSİYANIN SEÇİMİ
İran BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net