“Samsung” ən böyük smartfon tədarükçüsü olaraq qalır
“TrendForce” analitik şirkətinin qiymətləndirməsinə əsasən, bu il smartfonların dünya üzrə tədarük həcminin 41 faizi Çin brendlərinin payına düşəcək.
1news.az “dailycomm.ru” saytına istinadən xəbər verir ki, 2015-ci il qlobal smartfon tədarükünün həcmi 9,7 faiz artaraq 1,29 milyarda yaxınlaşacaq.
İstehsalçıların əksəriyyəti smartfon bazarında müşahidə olunan tələbatın azalmasından əziyyət çəkib. Çin şirkətləri isə ən yaxşı nəticə göstərib.
Mütəxəssislər, həmçinin Çinin “Huawei” şirkətinin yüksək dinamikasından danışaraq bildiriblər ki, şirkət 2015-ci ilin əvvəlindən artıq 100 milyondan çox aparat tədarük edib və ötənilki göstəricilərini 40 faizdən çox yaxşılaşdırıb.
“Samsung” ən böyük smartfon tədarükçüsü olaraq qalır. Ekspertlər hesab edir ki, bu şirkət 2016-cı ildə liderliyini qoruyub saxlayacaq.
Analitiklər smartfon bazarı haqda bildiriblər ki, 2016-cı ildə bu bazarda tədarük həcminin artımı 7,3 faizədək azalacaq və aparatların ümumi tədarük həcmi 1,4 milyard səviyyəsində olacaq
