Yeni Orleanda atışma: 16 nəfər yaralanıb

ABŞ-ın Luiziana ştatında yerləşən Yeni Orlean şəhərindəki parkda odlu silahdan açılan atəş nəticəsində 10-dan çox şəxs yaralanıb.

1news.az AZƏRTAC-a istinadla xəbər verir ki, hadisə yerli vaxtla axşam saat 18 radələrində baş verib. Həmin zaman “Bunnyfriend Park”da çox sayda insan istirahət edirdi. Atışmanın uşaq meydançası yaxınlığında baş verdiyi bildirilir.

Burada naməlum şəxslər parka gələn insanları atəşə tutublar. Hücumun səbəbləri bilinmir. Son məlumata əsasən, tibb işçiləri hadisə yerindən odlu silahla yaralanmış 10 nəfəri hospitala aparıb. Daha altı nəfər isə tibb müəssisələrinə yaxınları tərəfindən gətirilib.

1news.az