Türkiyəli nazir ruslara müraciət etdi: “Türkiyə sizin evinizdir”
Rusiya Federasiyası vətəndaşlarına səslənmək istəyirəm. Türkiyə sizin evinizdir. Rahat şəkildə Türkiyəyə gələ bilərsiniz. Türkiyə son dərəcə təhlükəsiz ölkədir.
1news.az Hurrıyet-ə istinadən xəbər verir ki, bu sözləri Türkiyənin mədəniyyət və turizm naziri Mahir Ünal deyib.
Bölgədə baş verən proseslərin Türkiyəyə də təsirindən danışan Ünal qeyd edib ki, Türkiyəni əhatə edən 6-7 ölkə idarəedilməz vəziyyətdədir:
“Bizi əhatə edən 6-7 ölkə idarəedilməz vəziyyətdədir. Bu çoğrafiyada Türkiyə bir dinclik, sabitlik, təhlükəsizlik adası olaraq ayaqdadır. Millətimiz rahat olsun. Həm milli, həm də beynəlxalq səviyyədə problemləri həll edə biləcək güclü hökumətimiz var”, - deyən nazir Antalyada keçirilmiş liderlərin Böyük İyirmilik (G20) sammitini nümunə olaraq qeyd edib ki, Türkiyə təhlükəsiz ölkədir.
1news.az
