“AirFrance” şirkətinə məxsus sərnişin təyyarəsində bomba həyəcanı

Dekabrın 19-dan 20-ə keçən gecə Parisdən Mavriki adasına uçan Fransa Hava Yollarına (AirFrance) məxsus “Boeing 777” təyyarəsində sərnişinlərdən biri ayaqyolundan qəribə səslər gəldiyini bildirəndən sonra təyyarə Keniyanın Mombasa şəhərində təcili eniş edib.

1news.az-ın xarici KİV-lərə istinadla verdiyi xəbərə görə, təyyarənin 459 sərnişini və 14 ekipaj üzvü təxliyə edildikdən sonra aparılan axtarış zamanı ayaqyolunda güzgünün arxasında partlayıcı qurğunun olduğu ehtimal edilən qutu aşkarlanıb.

İçərisinə saniyəölçən qoyulmuş və kağızla doldurulmuş qutunu mənşəcə fransız sərnişinin qoyduğu ehtimal olunur.

Süni “partlayıcı”nın yerləşdirildiyi qutunun təyyarəyə uçuş zamanı qoyulduğu güman edilir.

1news.az