Rusiyada türk şirkətlərinin işləməsi qadağan olunan sahələrin adı açıqlanıb

RF-nin baş naziri Dmitriy Medvedyevin imzaladığı qətnaməyə görə, Rusiyada türk firmalarının işləməsi qadağan olunan sahələr müəyyənləşdirilib.

“Bu qətnaməyə əsasən qeyd olunan xidmət növləri üzrə Rusiya ərasizində yerləşən Türkiyə Cümhuriyyəti na məxsus şirkətlərin, həmçinin, Türkiyə Cümhuriyyəti tərəfindən idarə olunan şirkətlərin fəaliyyətinə 1 yanvar 2016-cı il tarixindən qadağa qoyulur”.

1news.az RİA Novostiyə istinadən xəbər verir ki, Türk şirkətlərinin fəaliyyəti qadağan olunan sahələr sırasına turagentliklər, mehmanxana və dövlət ehtiyacları üçün xidmətlərin həyata keçirilməsi də daxildir.    

Qətnamədə qeyd olunub ki, binaların və mühəndis qurğularının tikintisi, memarlıq və mühəndis-texniki layihələndirmə, tədqiqat və təhlil, turuzm agentliklərinin fəaliyyəti, mehmanxana fəaliyyəti, turizm agentliklərinin fəaliyyəti,  dövlət və bələdiyyə ehtiyacları ilə bağlı xidmətlərin göstərilməsi və ağac emalı sahələrində fəaliyyət qadağan olunur.

“Bununla yanaşı nəzərə alınıb ki, qətnamə qüvvəyə mindiyi vaxtdan əvvəl imzalanan müqavilələrə tətbiq olunmayacaq”, - deyə nazirlər Kabinetinin mətbuat xidmətindən məlumat verilib.

1news.az