2022-ci ildə işğaldan azad edilmiş ərazilərin bərpasına 2,2 milyard manat xərclənəcək

Azərbaycanda gələn ilin dövlət büdcəsindən işğaldan azad olunmuş ərazilərin yenidən qurulması və bərpası üçün ayrılan vəsaitin məbləği məlum olub.

1news.az-ın Report-a istinadla verdiyi xəbərə görə, bu, "2022-ci il dövlət büdcəsi haqqında" qanun layihəsində əksini tapıb.

Belə ki, işğaldan azad olunmuş ərazilərin yenidən qurulması və bərpası üçün gələn ilin dövlət büdcəsindən 2,2 milyard manat vəsait ayrılıb.