Britaniya Kraliçası II Elizabet vəfat edib

Britaniya Kraliçası II Elizabet vəfat edib.

1news.az xəbər verir ki, bu barədə Bukinqem sarayı məlumat yayıb.

Britaniya tarixində ən uzun müddət hakimiyyətdə olan monarx 96 yaşında dünyasını dəyişib. Ölümündən sonra Kraliçanın böyük oğlu və varisi, keçmiş Uels şahzadəsi Çarlz Birləşmiş Krallığın kralı olub. O, Kral III Çarlz adını alacaq.

II Elizabetin vəfatı ilə əlaqədar 10 gün milli matəm başlayıb. Onun cənazəsi Bukinqem sarayına aparılacaq və ehtimal ki, beş gün orada qalacaq. Böyük idman tədbirlərinin, o cümlədən futbol və kriket matçlarının hörmət əlaməti olaraq təxirə salınması planlaşdırılır.

1news.az