Tənzilə Narbayeva: COP29 iqlim dəyişikliyi ilə mübarizədə böyük önəmə sahibdir

“COP29-u yüksək səviyyədə təşkil etdiyinə görə Azərbaycanı təbrik edirəm, tədbir iqlim dəyişikliyi mübarizədə böyük önəmə sahibdir”.

1news.az xəbər verir ki, bu sözləri COP29 çərçivəsində Parlamentlərarası İttifaq və Azərbaycan Respublikası Milli Məclisinin birgə təşkilatçılığı ilə keçirilən Parlament Görüşündə Özbəkistan Respublikasının Ali Məclisi Senatının sədri Tənzilə Narbayeva deyib.

O, iqlim dəyişikliyi ilə bağlı məsələlərin həllində maliyyənin əsas məsələ olduğunu vurğulayıb: “Özbəkistan da iqlim dəyişikliyindən təsirlənənlərə dəstək məqsədilə 31 milyon dollar məbləğində investisiya yatırıb. Həmçinin, qlobal təşəbbüsləri dəstəkləməyə davam edirik. İqlim dayanıqlılığını gücləndirmək isə əsas hədəflərimizdəndir.”