Məşhur basketbolçu Kobe Brayant helikopter qəzasında həlak olub – FOTO – VİDEO
Amerika Milli Basketbol Assosiasiyasının (NBA) əfsanələrindən olan Kobe Brayant dünyasını dəyişib.
1news.az-ın məlumatına görə, Kaliforniyada qəzaya uğrayan helikopterdə dünyanın ən güclü basketbolçularından olan 41 yaşlı K.Brayant və daha bir neçə nəfər, o cümlədən 13 yaşlı qızı Canna Mariya da olub.
“Sikorsky S-76” tipli helikopterin K.Brayanta məxsus olduğu bildirilir.
İlkin məlumata görə, qəza dumanlı havada idarəetməni itirən pilotun səhvi ucbatından baş verib.
Qeyd edək ki, NBA tarixinin ən güclü basketbolçularından olmuş “Qara mamba” ləqəbli K.Brayant “Los Angeles Leykers” komandasında forma geyinib. O, Afina (2004) və London (2012) olimpiadalarının, eləcə də FIBA Amerika çempionatının (2007) qalibi olub. O, karyerasını 2016-cı ildə başa vurmuşdu.
1news.az
