Hikmət Hacıyev: “COP29-la bağlı edilən boykot çağırışların əksinə, iştirak edənlərin sayı çoxdur”
“COP29-la bağlı edilən boykot çağırışların əksinə, tədbirdə iştirak edən nümayəndələrin sayı çoxdur”.
1news.az xəbər verir ki, bunu Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev COP29 çərçivəsində jurnalistlərə açıqlamasında deyib.
O, qeyd edib ki, bu ilki COP29-da 70 mindən çox xarici və yerli nümayəndə qeydiyyatdan keçib və bunların əksəriyyətini – 60 mindən çoxunu xarici iştirakçılar təşkil edir.
H. Hacıyev, bəzi təşkilatların bu tədbiri boykot etməklə bağlı çağırışlarının, faktiki vəziyyətlə uyğun olmadığını vurğulayıb.
O, həmçinin, COP29-un beynəlxalq media tərəfindən geniş işıqlandırıldığını və tədbirə 3 mindən çox xarici jurnalistin akkreditasiyasının verildiyini bildirib.
