Prezidentin köməkçisindən COP29-un Azərbaycanda keçirilməsini tənqid edənlərə CAVAB

“Bu gün dünyada enerji tələbatlarının və qazıntı yanacaqlarının əhəmiyyətlidir”.

1news.az xəbər verir ki, bunu Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev COP29 çərçivəsində jurnalistlərə açıqlamasında deyib.

O, qeyd edib ki, bu yanacaqların iqlimə mənfi təsir etdiyi bir fakt olsa da, onların aradan qaldırılması istiqamətində birgə səylərlə çalışmaq ucuz və mənasız müzakirələrə yer verməkdən daha faydalı olardı,

Bu günə qədər COP-u təşkil edən ölkələrin əksəriyyəti qazıntı yanacaqları istehsal edən ölkələr olub.

O, əvvəlki COP-ların Polşanın Katovitse və Böyük Britaniyanın Qlazqo kimi qazıntı yanacaqları istehsal edən şəhərlərdə keçirildiyini xatırladıb və bu ölkələrin enerji sektorlarında kömür istehsalının yüksək olduğunu vurğulayıb.

“Burada ittihamlar yerinə, nəticəyə yönəlmiş konstruktiv müzakirələrin aparılması vacibdir”.

Hikmət Hacıyev həmçinin qeyd edib ki, qazıntı yanacaqları məsələsi təkcə bir tərəfin təklifi ilə deyil, həm də digər tərəfin tələbi ilə bağlıdır. Konvensiyanın üzvü olan demək olar ki, bütün ölkələr qazıntı yanacaqlarının istifadəçisidir. Bu səbəbdən, məsələyə daha obyektiv yanaşmaq və hər iki tərəfi nəzərə alaraq müzakirə aparmaq lazımdır.