İşğaldan azad olunan Xocalı rayonunda növbəti kütləvi məzarlıq aşkar edilib - FOTO

İşğaldan azad olunan Xocalı rayonunda növbəti kütləvi məzarlıq aşkar edilib.

1news.az xəbər verir ki, Xocalı rayonu ərazisində aşkarlanan 3-cü kütləvi məzarlıq Əsgəran Xankəndi yolunun Xocalı rayonu hissəsində aşkarlanıb.

Əsir və itkin düşmüş vətəndaşlarla əlaqədar Dövlət Komissiyası işçi qrupu rəhbərinin müavini Eldar Səmədov deyib ki, aşkarlanan məzarlıqda azı 7 mülkü insan qalığı var.

Qalıqların Xocalı faciəsi zamanı qətlə yetirilən sakinlərə məxsus olması ehtimal edilir.

Müvafiq qurumların nümayəndələri yerli və xarici jurnalistlərin iştirakı ilə kütləvi məzarlığa baxış keçiriblər.

Foto: Nadir İbrahimli