Cənubi Koreyada böhran davam edir: Yüksək vəzifəli şəxslərə fövqəladə vəziyyətlə bağlı istintaq
Cənubi Koreyada Prezident Yun Sok Yul tərəfindən elan edilən və yalnız 6 saat sonra ləğv edilən fövqəladə vəziyyətin təsirləri hələ də davam edir.
1news.az xəbər verir ki, hadisələr nəticəsində ölkənin ordu və təhlükəsizlik orqanlarında ciddi dəyişikliklər baş verib.
Orduda böyük dəyişikliklər
Cənubi Koreya Müdafiə Nazirliyindən verilən məlumata görə, Müdafiə Kəşfiyyat Komandanlığının rəhbəri general-mayor Mun Sanq-ho, fövqəladə vəziyyətdəki rolunun araşdırılması səbəbindən vəzifəsindən azad edilib.
Yüksək vəzifəli şəxslərə ölkədən çıxış qadağası
Fövqəladə vəziyyətlə bağlı aparılan istintaq çərçivəsində Prezident Yun Sok Yol üçün tətbiq edilən ölkədən çıxış qadağası genişləndirilib.
Milli İstintaq Ofisindən (NOI) verilən açıqlamaya əsasən, Koreya Milli Polis İdarəsinin Baş direktoru Co Ci-ho, Seul Polis İdarəsinin rəhbəri Kim Bonq-sik, Milli Məclis Polis Mühafizəsi Başçısı Mok Hyun-Tae, Paytaxt Müdafiə Komandanlığının rəhbəri general-leytenant Li Cin-vu və Ordu Xüsusi Əməliyyatlar Komandanlığının rəhbəri general-leytenant Kvak Conq-kün də ölkədən çıxış qadağası qoyulan şəxslər sırasındadır.
Cənubi Koreyada yaranmış vəziyyət ordu və təhlükəsizlik orqanlarının işinə ciddi təsir göstərərək ölkədə yeni gərginliklərin yaranmasına səbəb olub.
